Hotel Tirol arvostelua

坐機場巴士6009，用Tmoney₩17,000，我在T1機場客運大樓上車，第一個站是新沙洞，我在下個站新沙站落車，車程大約1小時多。我覺得第一個站新沙洞或者第二個站新沙站落車去酒店都應該可以，因為酒店就在兩個站之間，步行去酒店要過馬路，係有少少落斜的。酒店最近的新沙站是4號出口，但是要行樓梯，對面5號出口上落都有扶手電梯，只要過條馬路就得。由地鐵站去酒店有少少暗斜落，相反由酒店行去地鐵站有少少暗斜上，推行李會少少辛苦，但都可接受。5號出口附近，有一間醬油蟹很好味，價錢亦唔貴。又有漢堡包店很好味。酒店設施雖然設計上和年份都比較舊，但空間夠大和舒服，有兩對拖鞋、鞋抽、電視地櫃、有放行李的架、掛衣架、一張餐枱和兩張餐椅、一個床頭櫃，廁所浴室空間很大，差不多有半間房咁大，有浴缸但冇浴簾，沖涼後地面會有少少濕，地面會濕滑，浴缸邊可以放用品，馬桶不可以沖廁紙，廁紙要放在垃圾桶，房間內有紙杯和即溶咖啡，有電水煲，雪櫃內有四支水可以飲用，電插頭有很多，床頭櫃上有電話，燈光都算夠，房間內的遙控可控制電視、燈光和冷氣，窗戶都可以打開，如果地暖太熱，可以打開窗，有兩個窗，望到下面街，對面就是橋村炸雞，夜晚唔算多人，所以唔會嘈，房間隔音都幾好，我聽不到隔離房的人聲音，只是聽到關門的聲音，夜晚瞓覺冷氣都唔會嘈，算住瞓得舒服。房間每天都有打掃，換毛巾和補充蒸餾水。回程搭6009號巴士就比較遠，由酒店往6號出口方向，再行前多少少才到巴士站，因為有少少上斜路，推著行李比較辛苦，亦要過幾條馬路，大約要十分鐘左右行到去巴士站。前台服務員有禮貌，亦可寄存行李，整體對酒店都滿意，價錢相宜。